On Her Majesty's Service

替女皇大人當更，下班奉召到她的領地玩塔羅。抽中一張「倒吊男」代表我的潛意識，靚女塔羅師的解釋大致包含以下用語：「不知是自虐還是被虐啦……其實雙腳根本沒有被綁住，但享受倒吊……喜歡一些與一般人不同的感受（說得真婉轉）……是自己不肯走出來……」當事人尚未開腔，身旁的女皇大人已經興奮地搶著說：「唔使潛意識啦！佢擺到明啦！佢係呀，佢係呀！佢仲好 proud of it 添架！」──下刪一百數十字。我只有吃吃傻笑。無計啦，你係最了解又最有資格講0個個。

（不過睇我寫野都知啦可？例如呢篇那些充滿階級味的稱謂已經好「倒吊」啦，更不用說某個 tag 啦。睇下睇下真係覺得自己好勁喎！噢！）

老闆娘仙仙經過搖頭：「海洋公園！」我一臉疑惑，女皇大人馬上接力：「話我地好似玩過山車呀，係咁依嘩鬼叫呀。」老死就是老死，默契！不過女皇大人天生能近乎本能地洞察別人內心，靠的不是跡象，一切源自直覺──所以奇準，像貓。平日都像懶得答理，但你憂鬱的時候，牠總會知道的，而且懂得無聲無息地安慰你。