Saturday, November 11, 2006

仙鳳餘暉，雛鳳重鳴






仙姐：「我希望劇團每年都有一次演出。」

下一屆會是甚麼？《牡丹亭驚夢》好嗎，《蝶影紅梨記》、《再世紅梅記》也想看，如果阿刨還肯演。

「怎能夠月落重生燈再紅！」－－湯顯祖《牡丹亭‧鬧殤》

related:
惜花者甘殉葬、百花冠替代殮妝、
簫聲咽、千斤力萬縷情、
花徑、摘得星辰滿袖行 、
世情、珍寶、情義、
待踏馬蹄清夜月、驚夢



張貼者： makuranososhi 位於 10:32 PM
標籤：

2 comments:

SleepyKiki said...

我想睇《再世紅梅記》呀，都未拍過戲。

11/18/2006 03:44:00 AM
makuranososhi said...

嗯！我好鍾意《再世紅梅記》！對情睇得好通透，而且係從公式化的戲曲套路中寫出新意，借屍還魂呢 d 係萬用的橋，實收到科，但係唐先生無寫到裴禹呢個人模稜兩可（好多戲曲／舊電影面對呢種情節都係含混帶過）：「總因橋畔侶難冀待，是錯愛苦思也可哀，又不敢攀上月台，但對那橋畔愛未變改，盼望了枝有並蒂花開，失梅用桃代，對慧娘是愛才，對昭容是借材（神筆！）......有道是鏡花不可攀，退而求其次，我之愛昭容呀，無非因為昭容似你羅.....」好真情實理，因此好感人，唔係由頭到尾只鍾意慧娘咁唔 realistic ，亦唔係移情別戀咁表面，其實都暗伏知識分子得不到理想委身於現實的不屈，同埋理想既渺茫恍惚；所以當佢見返慧娘，諗都唔使諗「不理玉驅被那青棺蓋......忙忙抱影怕離懷，深深踏住還魂帶」，明知係夢，所以好怕會走，但都係想留住。唉。真係寫比文人睇架。佢寫曲係學元曲，其實意境有宋詞韻味。

不過我當然係未睇過全劇，只係聽過。你有無睇《重按霓裳歌遍徹》隻碟？有阿刨同阿嗲做〈脫阱救裴〉（其實前面黐住少少〈環珮魂歸〉，不過隻碟無講），阿刨句「嘩」咸濕過佢師傅.....^_*

有拍過戲，不過係陳寶珠+南紅，=唔想睇。另外王天林拍過一套《紅梅閣》（http://bakubakubaku.blogspot.com/2005/10/blog-post_08.html），樂蒂主演，唔係戲曲片。雖然樂蒂好好睇，但係套戲根本無盧昭容呢個角色，所以唔好睇。唐滌生為仙鳳鳴寫「替身／重像（？）」的三部戲我都情有獨鍾：《再世紅梅記》、《蝶影紅梨記》同《九天玄女》。再想，其實《紫釵記》（崔允明／黃衫客／四皇爺）同《帝女花》（長平／道姑）都可以算在內。


「莫非你驟借雲煙駕霧來
傍花台形還在
輕盈立翠竹外
似奇花異草幽閣夜半開
似洛神半掩翠袖如有待

若云駕雨而來，今宵又無雨
若是乘風，此際又無風丫
無風無雨，呀，莫非你從天而降0既」


（不過如果出年再做，如果再做啦下，應該唔會係《再世》......我覺得者）

11/18/2006 06:22:00 PM

Post a Comment

Subscribe to: Post Comments (Atom)